بەڕێزم!

دەست و چاوی ئێوە و کاک هێمن خۆش بێ بۆ ئەو کارە پیرۆزەتان. زۆر جێی خۆیەتی لێرەدا وەبیر خۆمانی بێنینەوە، کە کوردایەتی تەنیا بەناو حیزبایەتی ناکرێ. ئەو کارەی ئێوە لەو ماوەیەدا کردووتانە و ئەویش بەبێ هاوکاریی هیچ لایەن و گرووپێکی سیاسی و یا کولتووریی کوردی، بەڕاستی جێگەی ڕێزدانان و کڕنۆش‌بردنە.
ئێمەی کوردی ئاوارەی نیشتمان و وڵات چواربەشکراو، بەداخەوە جار و بار زمان و یان زاراوەی پارچەکانی‌تریش نازانین و لێکحاڵیبوونمان زۆر دژوارە. ئەوەی کە خاتوو گوڵتەن کردوویەتی و لە ناو جەرگەی دژمندا وتوویەتی، لەوانەیە و دڵنیام، ئەگەر هەوڵی ئێوە نەبوایە، هیچ کات ئێمە لێی تێنەدەگەیشتین. دەست و پەنجەکانتان خۆش بێ، چاوەکانتان ماچ دەکەم و هیوادارم میدیا و تەلەڤیزیۆنە کوردییەکان نموونە لە کارەکانتان وەرگرن و هەوڵ بدەن کوردایەتی لە ئێوە فێر بن و بەس لە چوارچێوەی حیزبیبوونیاندا بمێننەوە.

هیوادار و داواکارم، کە لە سەر کارەکانتان هەر بەردەوام بن… ئەو ماڵپەڕەی ئێوە بە حەق نیشانی داوە بەبێلایەنی ماڵی هەموو کوردێکە لە هەر چوار پارچەی کوردستان. تا ڕووداوێک دڵی کوردی پارچەیەکی لەرزاندبێ، ئێوە کردووتانەتە دەرد و ئازاری هەموو پارچەکانی تر و کوردایەتیتان هێناوەتە بیرمان و ئەوە کە ئێـمە هەموو کوردین و خەڵکی کوردستانین…

دیسانەکە سەری کڕنۆشتان بۆ دادەنوێنم و هیوادارم هەر بەردەوام بن… وەکوو کوردێک شانازیتان پێ دەکەم و دڵنیام جێتان هەتا هەتایە لە ناو دڵی هەموو کوردێکی بەشەڕەف و دڵسۆزدا دەمێنێتەوە..

بەوپەڕی ڕێز و پێزانینەوە؛

هۆرەمەزد