چوارینهکانی عومهری خهییام
لەمێژبوو بە ئاواتەوە بووم بۆ ئەو کەسانەی توانایی یان دەرفەتی خوێندنەوەی کتێبیان نییە وەک کتێبی بوێژ (کتێبی بە دەنگ) بەرهەمێک ئامادە بکەم و بڵاوی بکەمەوە سەرەتای هەر کارێکی نوێ هێندێک دڵەڕاوکێی لەگەڵە، دڵم نەهات ئەو تاقیکردنەوەیە لەسەر بەرهەمی هیچکەسێک بکەم ( هێلمی)م هەڵبژارد کە بەرهەمی ساڵی 2005 ی خۆمە. هێلمی ئامادەکرا و لە دەرفەتێک دەگەڕام بە بۆنەیەک پێشکەشی بکەم. هێلمی باسی ئەوینە و دڵ، چ رۆژێک لە رۆژی خۆشەویستی و رۆژی ئەوینداران ناسکتر و خەیاڵاویتر، چ داوەرییەک لە دڵانی پڕ لە ئەوین بە مێهرتر لە بێ ئەزموونی و کزیی کار بە ودمی ئەو رۆژە شیرینە ببوورێ. هێلمی بە زمانی فینلاندی بە مانای ( مرواری) یەو ناوێکە بۆ ژن پێشکەش بە خۆشەویستی ، پێشکەش بە ئەوین کە هەتا کۆنتر و پیرتر دەبێ مانای قووڵتر و قووڵتر دەبێتەوە . رۆژی ئهوین و خۆشهویستی له ههموولایهک پیرۆز و عیشق له دڵتان نهبڕێ
چیرۆکه شێعری : مههاباد
هۆنهر و دهنگ : پۆڵا نانوازاده
ئامادهکاری موزیک و تۆمارکردن: چیا مهدهنی
مۆنتاژ : سۆما
پێشکهش به ههموو ئهو دڵسۆزانهی له ههر شوێن و بهرگ و ئیش و کارێکدا ههوڵ دهدهن له خزمهت ئاوات و ئامانج و رزگاری گهلیاندابن. پێشکهش به ههموو کۆرپه بهئهمهگهکانی دایکی نیشتمان. بهیادی ئهو رۆڵانهی گیانیان له پێناو ئامانجی پیرۆزدا بهخت کرد
بۆ ٢٦ ی سەرماوەز
پێشکەش بە پێشمەرگە و ئاواتەکانی. بۆ ئەم ئێستە تاڵەی نێوان رابردوو و داهاتوو. پێشکەش بەو دایکە دڵبەخەمانەی وەک قەقنەس لەسەر رۆژی ئاواتی پەرەی جەرگیان بوونە خەڵووز و جەفای هاوسەنگەران و پەکووی شکی ئازاردەری ئێستەی نابەدڵ، گرینی لەیاد بردنەوە و فرمێسکی لەچاو شۆردنەوە
لەسەر ویستی چەند بینەر و بیسەری خۆشەویست، هۆنراوەهاواری گەلێ بەپێزی جارێکی تر سمکۆ ناچێتەوە سەر خوانی مردن (بەشێک لە بەرنامەی ژمارە 33) دەکەم بە دیاری. دیارییەک بۆ ئەو کاتە پڕ لە تووڕەیی و خەمانەی کە هەست دەکەی کایە بە چارەنووسی گەلەکەت دەکرێ و
هەڵۆ (قاسم موئەییەدزادە) لەوەتی دەیناسم ئەو دنیایەی هەر بۆخۆی دەوێ و بەداخەوە کەمتەرخەمە لە نووسینەوەی ئەوەی هەستی پێ دەکا یان ئەیبینێ چ دەگا بەوەی کە خوێنەری تامەزرۆ بکاتە شەریک و بیاننووسێتەوە و بیانپارێزێ و خۆیان لەسەر تاکەتاکەی وشەکانی بکا بە خاوەن. بەم بۆنەوە سەیر نییە کاتێک دوای سی و یەک ساڵ ویستم سەر لەنوێ هۆنراوەی بەپێزو کەموێنەی ( دەریاکان) بخوێنمەوە چەند دەقی جۆراوجۆرم لەم هۆنراوەیە کەوتە بەردەست کە هەموویان جیاوازبوون دەگەڵ یەک و ئەگەر فایلی دەنگی تۆمارکراوی ساڵی پەنجاوهەشتم نەبا، بەدڵنیایی دۆزینەوەی دەقی دروست کارێکی چەتوون دەبوو. ئەو کەسانی هاوڕێی هەڵۆن و بەدڵسۆزییەوە هەوڵ دەدەن رادەی بەرزایی فڕینی بۆ دیاری بکەن ، لە بیریان بێ شاباڵی فڕینێک دەقرتێنن کە دوای ( تەعبیری خەونێکی ئاڵۆز ) پیلی کەسمانی نەگرت لەو گەشتە سەرسوڕهێنەرانەدا هاوڕێی بینینن و فامکردنی بین. دڵمان خۆشە بە تەماشای چوار وەرگێڕاوەی روباعی فارسی ئەو . دەریای مەندی وردبوونەوەی تاقانەی مەشێوێنن با دیسانیش وەک شەو مێهرەبان بێ و وەک ئاو هاوڕێ و وەک رابردوو هەموو شتێکمان بۆ بگێڕتەوە
ساڵی 2006 پەخشانی دڵسووتاوان بەیادی رێبەری شەهید نەمر دوکتور شەڕەفکەندی بڵاوبۆوە و بەر دڵی خەڵک کەوت. بەڵام بەداخەوە ئەوەی کەوتە بەردەست ناتەواو بوو لەو کاتەوە زۆرکەس داواکاری سەرلەنوێ خوێندنەوەی بووە لە ساڵهاتی لەدەستدانی ئەو رێبەرە مەزنەدا دەقی ئەو پەخشانەم دۆزییەوەو بە تەواوی تۆمارم کردەوە بەڵام ناوی نووسەری لەسەر نەبوو دەگەڵ داوای لێبووردن لە خاوەنی ئەو پەخشانە جوانە، سەر لەنوێ پێشکەش بە روحی پاکی ئەم شەهیدە و هاونیشتمانانی خۆشەویستی دەکەم. بەیادی ئەو رۆڵە فیداکارەی کەم ژیا بەڵام زۆر ما و دەمێنێ
Loading ...